پهیوهندی
ئهرشیف
بیۆگرافی
ووتار.. نووسراو
پێگهی بهسوود ناوهندی چاک CHAK
Chra Nawzad
ئاوێنه
دهنگهکان
سبهی
کلاوڕۆژنە
هاوپشتی
ئهمڕۆ
کوردستان ڕاپۆرت**
چراکان
ئاینده* بۆ پرسی گهنج
پهیامنێر
ڕووداو
پهرتوک
خامهی نوسهران*
خۆزگه
گۆڤاری خێزان*
رادیۆی نهوا
لڤین
نوکتهستان
هۆرامانۆ
کوردین. نێت
چرا TV
لێزاننێت
دهنگوباس *
چاودێر
PUK میدیا
خهبات
توانا ئهمین
ئهیوب ڕهئووف
ماڵپهری شاڵاو*
کوردستانپۆست
کوردستاننێت
کوردستانان
ههڵهبجه
جهبار شێخانی
سیروان نێت
ئاوێزه فیلم
سهرقهڵا نێت
داستان
هاوڵاتی
ئارام شاد
کوردستان ئۆنلاین
سهردانهکان
ستۆدیۆی شهو
هێمن ڕهئووف
دهنگی شنهی با
هاژهی ڕووبار
خوڕهی چهم و جۆگا
لوورهی ڕهشهبا
جوتبوونی گهڵاکان
چپهی گوڵهکان
خشهی پێی سهرخۆشهکان
چکچکهی دڵۆپهی سهربانی خانووه گڵینهکهمان
تهپهی بهفر
دهنگی نمه و خورهی باران
ههنگاوی کاروانی مێرولهکان
نمایشی گیا
ترپهی دڵی تۆ کاتێ سهرم دهنێم به سنگتهوه
چرپهی ههناسهت کاتێ به گوێما دهچرپێنی " بابخهوین"
سرتهی پهیکهری مارئاسات، که دهکشێیته ژێر چهرچهفه تامهزرۆکهم
خشهی لاپهڕهکان له نێوان پهنجهکانتدا
ڕمهی پێنوسهکهت،
کاتێک خاڵێک له کۆتایی ڕستهیهکدا دهچهقێنیت
دهنگی شهپۆلی دهریاکان
دهنگی بێدهنگی چیاکان
دهنگی لهرزینی شۆڕهبیی...
له نیوهشهو بهو دیوا
نهشاز ناکهن
له ستۆدیۆی شهودا
پاکترین تۆن و سروشتیترین ئاوازن
له مارشی فهرمانڕهوایی تاریکیدا.
Jun 2009
ئاگرێکی لهناو دڵما کردۆتهوه
هێمن ڕهئووف
ئاگرێکی لهناو دڵما کردۆتهوه
گهڵای وهریووی غهمگینیم دهسوتێنێ،
ئاگر له پهیکهری ووشکی ئهم خهمۆکییهم بهردهدا.
ئاگرێکی کردۆتهوه
زهوی دڵم ههمووی بووه به چراخان.
له ژێر درهختی شیعرێکدا
چهند پیتێکی به جێماو و چهند وشهیهکی ووشک بوو،
گوڵ و تۆوی چهند شیعرێکی ساڵانی زوو دهچنێتهوه.
له ئاقارێکی ڕهنگ زهردی شێوه بیابان لێنیشتوو
که شوێنهواری یادگاری و ژووانمان بوو
ناوی خۆی و وێنهیهکی کێشراوی باڵای خۆی و
جێ پێیهکی بهجێماوی منداڵیی دهبینێتهوه .
ئهو ئێوارهی بیر دێتهوه:
به ملوانکهی شیعرێکی سهوزی بههاری
دیلانێ و پهت پهتێن دهکات
من دهبینێ
به شهرمهوه خۆی بۆ باوهشم دههێنێ
خۆیی دههێنێ و خۆی ناهێنێ
پێڵوهکانی لێک دهنێ
سهری دهنێ به سنگمهوه و
تاسهی ماچێکی شیرینی به لێومدا ههڵدهواسێ.
ئاگرێکه هیچ جێیهکی خاکی دڵم ناسوتێنێ و نایهشێنێ
هیچ گوڵێ ناپروکێنێ
هیچ شهوێکم ناتۆرێنێ
ئاگرێکه چیلکه و چهوێڵی وشکبووی خهمهکانم ئاگردهدا و
پشکۆی حهزهکانم گهش گهش دهکاتهوه
نامسوتێنێ و ههموو سهرزهمینی دڵم
ڕووناک رووناک دهکاتهوه
ئهو ئاگرهی بۆ عهشقی من و نازی خۆی کردۆتهوه
نازهکانی خۆی کردووه به پلیکانهیهکی لهنگ
ووشهو پیتهکانی منی ههرههموو به نیانی خۆی
به درهختی شیعرێکمدا ههڵدهواسێ
ئێرهی کردووه به سهکۆ و به سکێچی خۆنواندن
چیرۆکێکی ڕهنگاوڕهنگی ههڵبهستووه پڕه له گوڵ
خۆی عهزییهکی پهمهیی و پاپوچێکی بچکۆلانهی له پێیایه
پرچی به گوڵهبهیبون و نێرگز و گوڵاڵه سوره
به دوو پرچی مناڵانه لهملاولایهوه بهستووه
هێنده جوانه، له دێڕێ شیعری خۆی دهچێ
یاری دهکات سهما دهکات ناز دهبارێ
ئاگر ههر گڕی دهسوتێ
نازانم دڵم دهسوتێ یا ناسوتێ
هێشتا ههست به ئازار ناکهم
گڕی زهردی وورده وورده بۆ ڕهنگێکی ئهرخهوانی ههڵدهکشێ
چاوم ڕێشکه و پێشکه دهکات
دهیبینم دهبێت به گوڵ و نابێت به گوڵ
گوڵ ڕهنگێکی ئهرخهوانی
گڕ ههتا دێ کاڵ و بێڕهنگ دهچێتهوه
پهمهیی سپی بێڕهنگ و کز و ڕهنگ زهرد
دهبێتهوه به گوڵ، گوڵێکی پهمهیی
گوڵێکی سور
گوڵی سپیی
ئهرخهوانی...
دیسان دهبێتهوه به گڕ
ئهو ئاگره شێتم دهکات
له ناوهراستی دڵم دا داگیرساوه
ئهو دهیهوێ ئهم زهمینهی
ئاوهدانه به خاشاکی خهم و ئازار، پاک کاتهوه.
لهپڕ بارانی گریانێ
خۆلهمیش و تۆزهکهشی دهشواتهوه
ئیتر نه گوڵ نه ڕهنگی ئهرخهوانی گڕ
نه ڕووناکی
نه منداڵی
نه پێکهنین
نه یادگاری
نه بینینی کۆڵانهکانی ئهم دڵهم
نه من... ئیتر... دهڵێمهوه :
ئاگرێکی لهناو دڵما کردۆتهوه...
May 2009
پیانۆی پێڵوهکانت
هێمن ڕهئووف
به ڕۆژ
له نێوان پهڕهکانی ئۆکۆردیۆنی پێلوهکانتدا
یان له پشتی دهرگای پیانۆی پێڵوهکانتدا
ووشه شۆخو شهنگهکان،
ئهوانهی له شهنگهیی و له نیانی و له ههگبهی نازهکانتدا
دێن و دهچن
دهیانبهم و
دێم لهوێدا
له نێوان پهڕهکانی ئۆکۆردیۆنی پێلوهکانتدا
یان له ژێر کلیلی نۆته و دهنگهکاندا
ههڵیاندهگرم.
بهشهو،
ئهوکاتانهی تۆ له خهوێکا جێدهمێنی
کاتێ قاپی له کلیلی نۆته هارمۆنییهکان
پێوهدهدهی
من له پشتی ئهو دهرگایه و
له نێو پهڕه واڵاکانی پێلوهکان
دانه دانه
دهریان دههێنمهوه و
دێم لهوێدا
دهیانکهم به چهپکێ ڕسته و
یان دهیانکهم به ملوانکهی شیعرێکی نوێ،
بهیانی له زڕهزڕی مورووهکانی بهخهبهر دێیت
کاتێ لهگهردنی سپی تۆ ئاڵاوه.
بهئاگا دێیت
پیانۆی پێڵوهکانت دهجوڵێن جارێکی تر،
پهڕهی سهرسنگی ئۆکۆردیۆن
دهکهوێتهوه لارهلار
سیناریۆی:
" _ئاوازێکی نوێ
_دوو خۆر ههڵدێنهوه ئهمڕۆش
_کهلهبهرێک جێیهکی ئهمین بۆ حهشاردانی ووشه نوێیهکانی ڕۆژ
_ڕیزبهستنی سهربازهکانی برژانگ بۆ پشووبهن و ووریابن
_دوو گلێنه که دوو قهڵای بهدیهاتووی هیواکانمن
_دوو برۆ دوو سهنگهری ڕێگر له تێکشکانی پێکهنین."
دهستێک لهگهردنت دهدهیت
مورووهکان دهجوڵینیت
پێت سهیره!
ئهمڕۆ زۆرتر و ووردتر و ناسکتر و شیرینتر ن
ههندێکیان دهنکه نوقوڵ
ههندێ هێشووه بهڵاڵوک
دانهدانه لوءلوء و مهرجانو یاقوت.
هێشتا نیوه بهئاگایت و نیوه نوستوویت
دهستت بهتاڵ
ملوانکهکه
له دهستتدا و
لهسهر سنگی تۆ نهماوه
به دیواری ژووره بههارییهکهمدا شۆڕ بۆتهوه
دێیت دهست دهبهی بۆ نوقڵێ
بۆ چکلێتێ
بۆ مووروویهکی ڕهنگاورهنگ
سهیر دهکهیت
خۆت خزاویته سهر لقی دێڕه شیعرێ
شوێنهکه دهناسیتهوه
درهختهکهی دڵی منه
ئهو درهختهی
ههر چڵێکی له ئاوازێ لێدهدات و
له تامێکت پێدهبهخشێت
له بۆنێکت بۆ دهڕژێنێ و
له گهڵایهکت پیادهدات.
تا دێمهوه
بۆخۆت لهوێ ملوانکهکهت
کردۆتهوه
جۆلانهیهکی بچکۆلهت ههڵخستووه
ده لهنگێیت و
با ، سهما به پرچت دهکات
من دێمهوه ماندوو ماندوو
خهو به خهوهوه دهبینم
تێناگهم چۆن
بهئاگام دههێنیتهوه
خۆت بهخۆما ههڵدهواسیت
پڕم دهکهی لهکهیف و ماچ و بۆنی خۆش
شهوێکی نوێ
شیعرێکی نوێ
سبهینێ
ڕۆژێکی نوێ
پێکهنینێ، گریانێ، دڵڕهنجانێ، نازێ، گلهییێ، گوڵێ، چکلێتێ... .
